नेपालगंज उप–महानगरपालिकाको संक्षिप्त परिचय

मध्यपश्चिमाञ्चल बिकास क्षेत्रको केन्द्र बिन्दु तथा प्रमुख ब्यापारिक शहर बाँके जिल्लामा अवस्थित पश्चिम नेपालको द्धार, नेपालगञ्ज नगरी, नेपालकै नामबाट स्थापना भएको प्रमुख शहरको रुपमा परिचित स्थान हो । यो शहर बिक्रम सम्बत २०१७ सालमा नेपालगञ्ज नगर पञ्चायतका नामबाट स्थापना भई २०१९ सालमा नगरपालिकाको रुपमा स्थापित भएको हो । नेपाल सरकार मन्त्रीपरिषदको मिति २०७१ मंसीर १६ गतेको निर्णयबाट साविकका १० वटा गा.वि.स. गाभेर २७ वटा वडा कायम गरि  नेपालगंज उप–महानगरपालिका घोषणा गरिएको र मिति २०७२।६।१ को निर्णयबाट पुरैनी गा.वि.स. गाभेर २८ वडा कायम गरिएको छ र मिति २०७३/११/२७ को निर्णय अनुसार साविकका २८ वडा परिमार्जन भई २३ वटा वडा कायम गरिएको छ |

संस्था दर्ता सिफारिस का लागी चाहिने कागजातहरु के के हुन्?

  1. विधान वा नियमावली, निवेदन र नागरिकता प्रमाण पत्रको प्रतिलिपि
  2. संस्था भाडामा बस्ने भए सम्झौता पत्र र बहाल कर तिरेको रसिद। नतिरेको भए तिर्नु बुझाउनु पर्ने
  3. संस्था आफ्नै घरमा बस्ने भए सोको जग्गाधनी प्रमाण पूर्जा र नक्सा पास प्रमाण पत्रको प्रतिलिपि
  4. चालु आ.व. सम्मको मालपोत र घर जग्गा कर वा एकीकृत सम्पत्ति कर तिरेको रसिद वा कर निर्धारण स्वीकृत भएको कागजात

व्यवसाय नविकरणका लागी चाहिने कागजातहरु केके हुन् ?

  1. निवेदन पत्र
  2. नागरिकता प्रमाणपत्रको प्रमाणित प्रतिलिपि
  3. स्थानीय तहबाट दर्ता भएको व्यवसाय दर्ताको प्रमाण पत्रको प्रमाणित प्रतिलिपि
  4. बहाल सम्झौताको प्रतिलिपि
  5. आफ्नै घर टहरा भए चालु आ.व. सम्मको मालपोत र घरजग्गा कर तिरेको

नयाँ व्यवसाय दर्ताका लागी चाहिने कागजातहरु केके हुन् ?

  1. निवेदन पत्र
  2. नागरिकता प्रमाणपत्रको प्रमाणित प्रतिलिपि
  3. विदेशीको हकमा राहदानीको प्रमाणित प्रतिलिपि वा सम्बन्धित दुतावासको निजको परिचय खुल्ने सिफारिस
  4. २ प्रति फोटो
  5. घर बहाल सम्झौता
  6. आफ्नै घर टहरा भए चालु आ.व. सम्मको मालपोत र घरजग्गा कर तिरेको
  7. स्थानीय तहको नाममा दर्ता नगरी प्यान वा अन्य निकायमा दर्ता गरी व्यवसाय दर्ता गरेको हकमा प्यान दर्ता वा अन्य निकायबाट जारी गरेको व्यवसाय प्रमाण पत्रको प्रमाणित प्रतिलिपि

दा.खा नामसारीका लागी चाहिने कागजातहरु के के हुन् ?

  1. निवेदन
  2. नागरिकताको प्रतिलिपि
  3. लिखतको फोटोकपी
  4. जानकारी पत्र
  5. मृत्यु दर्ता, नागरिकताको प्रतिलिपि
  6. नावालक हकदारको हकमा जन्मदर्ता को प्रतिलिपि
  7. तिरो तिरेको रसिद
  8. वडा समिति कार्यालयवाट भएको सर्जमिन मुचुल्का

घर नक्सा पास सम्बन्धी अनुमती पत्रका लागी चाहिने कागजातहरु के के हुन् ?

१) नगरपालिका द्वारा तोकिएको नक्सा पास तथा निर्माण इजाजत दरखास्त फाराम

२) नागरिकताको प्रतिलिपी

३) जग्गाधनी पुर्जाको प्रतिलिपी

४) तिरो तिरेको रसिदको प्रतिलिपी

५) नापी नक्सा र ट्रेस नक्सा

६) घरको डिजाईन नक्सा २ थान

७) जग्गा धनीको १ प्रति फोटो

एकिकृत सम्पत्तिकर / घर-जग्गा कर तिर्नका लागि चाहिने कागजात के-के हुन् ?

  1. निवेदन
  2. जग्गाधनी प्रमाण पूर्जाको प्रतिलिपि
  3. भवन नक्सा स्वीकृति प्रमाण पत्र र नक्साको प्रतिलिपि
  4. भवन / जग्गा खरिद गरेको भए मालपोतबाट रजिष्ट्रेशन पारित लिखतको प्रतिलिपि
  5. मालपोत तिरेको रसिद
  6. आ.व. ०५७/५८ पूर्व आन्तरिक राजश्व कार्यालयमा कर तिरेको भए सोको प्रमाणित प्रतिलिपि
  7. नागरिकता र नापी नक्साको प्रमाणित प्रतिलिपि

जन्मदर्ता गर्नलाई के-के कागजातहरु चाहिन्छ ?

  1. निवेदन पत्र
  2. बालकको बाबु / आमाको नागरिकता
  3. चालु आ.व. सम्मको मालपोत र घर जग्गा कर वा एकीकृत सम्पत्ति कर तिरेको रसिद
  4. अस्पतालमा जन्म भएको हकमा सम्बन्धित अस्पतालले जन्म प्रमाणित गरेको परिचयपत्रको प्रमाणित प्रतिलिपि

टोल-फ्री नम्बर

                                                     नि-शुल्क सम्पर्कक लागी

                                                          १६६०-८१५२०५२